|
Hunermend Zubêr Salih stêreke di Asmanê Hunera kurdî li
rojavayê kurdistanê û stêra wî geştir bû û hate nasîn li
tevayî kurdistanê dema Qesîdeyê Melayê Cezîrî kirin stran û
bi awaz û dengê xwe yî naz û şêrîn dilê heskiriyên hunera
kurdî mest û xweş dikir , çave xwe li ser Tenbûrê vekir û
şîrê Evîn û eşqê vexwar û ji biçûkiya xwe de fêrî sazkirina
tenbûrê bû ye û ji malbateke hunermenda ye bevê wî tenbûrvan
bû , her weha rewleke wî ya girîng hebû di damezirandina
Saziya Çand û hunera rojavayê Kurdistanê li derveyî welat û
niha jî serkêşiya wê dike ,me li ser gelek babetan dîtin wî
girtin div ê hevpeyvînê de .
Hevpeyvîn Ebdulla Sebrî .
- Hunermendê hêja Zubêr Salih .. Dema te baş ..
- Dema tejî baş bi rêz Ebdula Sebrî
- Ez ji dil û can sipasiya te dikim ku te dilê xwe yê fireh
ji me re vekir û derfet da me ku em bîr û baweriyê te
bizanin li ser hunera kurdî û rewşa hunermendê kurd û kar û
çalakiyê Hevgirtina we (Hevgirtina Hunermendên rojavayê
Kurdistanê ) .
- Ez jî we ji dil û can sipas dikim ji bo vê hevpevînê ku we
ev derfet da min ku ez karibim hinekî ji kar û xebata xwe ya
hunerî û her wiha ya Saziya Çand û hunera rojavayê
Kurdistanê jî û rewşa hunera kurdî bi giştî di riya sema
kurd re bighînim xwendevanên we yên birêz.
- Hunermend Zubêr Salih serokê (Saziya Çand û hunera
rojavayê Kurdistanê ) Di destpêkê de em dixwazin hinekî li
ser Saziya we rawestin û em zanînê xwe li ser zêdetir bikin
?
.
- Ev sazî berî ku em li europa damezrînin
Bê guman di hundirê welat de di sala 2006 an de hat
damezrandin
Em jî weke şaxekî ji wê saziyê ne li derveyî welat,bingeh li
welate,
me weke hunermendên rojavayê kurdistanê li europa me pêwistî
bi avakirina saziyeke bi vî rengî dît ku bi rastî îro çand û
hunera rojavayê kurdistanê, pêwistiya wê bi saziyeke bi vî
rengî heye li Eurupa,
Lê ev sazî hîna di avakirinê de ye ji ber saziyeke bi vî
şêweyê han di mehekê û du mehan de nayê avakirin hinek bêhna
fireh jêre gereke û ev sazî ji bo me hunermedên dereveyî
welat pir giring,ji ber ev dem dema karê kolektife,weke hûn
dizanin li eurupa her yek ji me li welatekîye ,pir zore ku
em bê arîkarya dezgeh û saziyan karibin karên mezin bikin,
ji ber vê pêwiste hemî hunermend,Helbestvan ,Şêwekar ,Şanoger,rejesor
û nivîskarêm me hemî li vê saziyê xwedî derkevin,ji bo em
karibin bi hevre bibin bersivên pirsên gelê xwe û karibin
findeke geş di jiyana wan de vêxînin.
- Li gora agahdariya me ku hemî hunermendên me tevlî saziya
we nebûne , em dikarin sedema vê tiştê nasbikin ?
- Heya niha kesî ji mere negotiye ku em ne bi vê saziyê re
ne û me jî hîn dest bi karê endametiya fermî ji bo saziyê
nekirye ji ber vê em nikarin bêjin kî tevlî meye yan kî ne
tevlî meye ,lê li gor hevdîtinên me bi hunermend,nivîskaran
re kes li dij tune,dibe hinek hevalên me yên hunermend li
benda kar û xebatên me bin, ji ber berî niha çend tecrîbeyên
avakirina saziyên bi rengî çêbûn lê mixabin biserneketin,vê
jî dil sariyek li ba hunermendên me peydakir, ev jî dihêle
ku hunermendên me zu bi zû beryara tevlî bûna xwe nedin.
dibe hinek ji hunermendan li karên amade bigerin.
Û henek jî li bendê bin ku sazî bi serkeve wê werin û tevlî
bibin û ger bi ser neket, ji xwe tiştekî wan dinav de nebû û
tuneyeku berkevin,lê em ê bi sebir û arama xwe û kar û
xebata xwe bihêlin saziya me bi serkeve û bibe saziyek ji bo
hemî dil êşê çand û hunera kurdên rojava .
- Hêviya we ji damezrandinê çiye û we çi ji armancê xwe bi
cî anîne ???
- Wek min di dest pêkê de jî got, em hîn di avakirinê de ne
û hîn ne ketina warê kar,ji ber em heya niha bi karê
bîroqratîk re mijûlin û danasîna saziyê li ba hunermend û
nivîskaran, emê ji vir û pêde dest bikarê xwe yê piratîk
bikin, ana prova şanoyekê bi navê (xanîkî kirê )dest pê
kiriye û ev şano karekî dirêje li dora du satan dom dike û
tev komîdya civakiye, meriv dikare bêje ev cara yekemîne ku
şanoyek bi vî rengî tê amede kirin dinav kurdên Europa
de,henek ji endamên vê koma şano şenogerên naskirîne di nav
kurdan de û xwedî tecrîbene,wek mînak,şanogerê me birêz
Kerîmo û her wiha hevalên me yên din jî bi salane karê şano
dikin.
di nerîna min de ev şano wê pir serkeftî be,
û hêviyên me bi rastî ji vê saziyê pirin,ez karim çend
pirojeyêm me yên din jî bînim ziman yek ji wan Pirodektsyone
ji bo amedekirin û belavkirina CD yan û çêkirina video
kilîpan û rêze filîman ,pêşengehan û pirtokan û gelek tiştên
din ku emê di demên pêş de raiya giştî bi pîlan û pirojeyên
xwe agehdar bikin,
- Rewşa hunermendê kurd li derveyî welat çawe û çawa karê
xwe yê hunerî dikin, û çi problemên wan hene di vî warî de ?
- Di nerîna min de rewşa hunermendê kurd li europa hinekî
xerabe ,
lê ger li xwe xwedî dernekeve wê kambax bibe ,saziya me
dikare bi be bersiva van pirsgirên hunermendên me li eurupa,
Ji ber wek em di zanin gelek ji hunermendên me ne Endamên tu
partiyan ne ,piranya hunermendên me mirovên serbixwene û
kesê serbixwe kes li wan xwedî dernakeve,ji ber ku heya niha
bazereke azad di nav me kurdan de peyde nebûye ku hunermend
hunera xwe bighîne gel, ev jî bi serê xwe pirsgirêkeke
hunermedên mene li Eurupa,saziya me wê bibe bersiva van
pirsgirêkan û ji wanre bibe çareserî ,em weke sazî tu
cudahiyê nakin navbera hunermendan, hevalê kîjan partiyê be
yan jî serbixwe be ji bo saziya me tu pirsgirêk di vî warî
de tunene pêvanên me tenê hunere .
- Em dixwazin niha werin ser rewşa te ya kesayetî , ev
demeke dirêje me ti berhemê te yê nuh nedîtine ?? di vî
derbarî de tu çi sozî didî heskiriyên xwe ??
- Dema ku ez nû hatim Eurupa mîna herkesî ez jî hinekî bi
karên xwe yên bîroqratîk ve mijûl bûm û derfetên min tune bû
ku ez CD ya xwe tomar bikim, lê di sala 2006 an de min
berhemeke nuh diyarî hizkiriyê xwe kir û pir hat hezkirin,
ew CD ê bi navê (Nizanim )
ez ana ye 2007 an amede dikim,ez karim bêjim nêzîk wê di nav
destê guhdar û hezkiriyên min de be, ez bawer dikim ku wê
pir jê hizbikin.
- Em wek dezgehekî rewşenbîrî û hunerî gelek giringiyê didin
hunermend û hunera kurdî , ji aliyê we ve hûn çawa dezgeha
semakurd dibînin û çi pêşinyarê we di vê derbarê de hene ??
- Berî her tiştî ez serkeftinê ji bo kar û xebatên we hêvî
dikim, bi rastî ev karên hûn dikin karekên ji bo pêşxistina
çanda gelê me pir giringin û bi taybetî ji bo me
hunermendan, ku dezgeheke bi vî şêweyî li ser Çand û hunera
gelê kurd radiweste hêvîdarim ku ev dezgeh hîn bêhtir li ser
Çand û hunera kurd raweste ji ber heger ez û tu û yên din em
li çanda xwe xwedî dernekevin wê çanda me hêdî hêdî ber bi
helandinê ve here,ew çanda ku ziman,hebûn,û dîroka me
parastiye heya bi vê demê,pêwiste divê dema teknîkê de em
karibin vê çandê hîn xurtir bikin.
Wekî din jî em weke sazî amedene bi hemî sazî,Komel û
dezgehên gelê kurd re bixebitin û sînga me ji hemî rexne û
pêşnazan re jî vekirye.
- Û di dawî de em serkeftinê ji saziya we re dixwazin û bi
taybet ji te re her şad û serbilind be .
- Ez jî bi navê Saziya Çand û hunera Rojavayê kurdistanê û
bi navê xwe jî serkeftinê ji were di xwazim û spasiya we
dikim ku we derfet da min ku ez di rêya were dîtinên xwe û
danasîna saziya me bighînim gelê kurd li her çar hêlên
Cîhanê ,û silav û rêzên min ji bo her xebatkarekî di sema
kurd de hene.
Silaveke bi gulan pêçayî ji bo xwendivanan û ji bo her
hezkiriyekî min li her çar hêlên Cîhanê.
Di dawî de jî ez bangewaziyekê ji bo hemî
hunermend,nivîskar,helbestvan,şêwekar û kesên ku dibeşê
sîneme de dixebtin, ez dibêjim werin em bihevre gava yekemîn
bavêjin û li Çand û hunera kurdî xwedî derkevin.
kekê minî hêja Ebdula Sebrî ez te ji dil û can spas dikim ji
bo vê ked û xebata te ya kurdewarî.
Gelek sipas sipas kekê Zubêr
Ebdula Sebrî
Azadsav80@hotmail.com |
