|
Hunermed
Brader Musîkî
Hevpeyvîn bi hunermendê navdar
Brader Musîkî re.
Birader Musîkî :
Xalê
kî hebe ew îro hunermendê herî populere,
Ev saleke CD ya min amedeye
mixabin ez bi tenê lê guhdarî dikim
Ka kiyê wê bighîne berdestên guhdaran?.
Ger bi nan û pîvazê jî bijîm ezê
hunera xwe berdewam bikim.
Mamoste di dest pêkêde em bi navê saziya çand û hunera Rojavayê
kurdistanê
spasiya te dikim ku te dema xwe ji bo me veqetand û ku em karibin
vê hevpeyvînê bi tere çêkin
Ez jî sipasiya we dikim û serkeftinê ji
saziya were di xwazim.
...
Mamoste Brader Musîkî ez hezdikim destpêka te nas bikim,bê çi
bandor li te bû ku tu avêtî
deriya hunerê?,hevîdarim tu vê destpêka xwe ji bo xwendevanê me û
hezkiriyên xwe tu ji mere zelal bikî?.
Bawerim çîroka hunermendên me
bigiştî
hinekî nezikî hevin,ya bavê me ya cînarê me yan jî yekî ji gundê me
bandor li me kiriye ku em bi hunerê ve hatine girêdan,Lê ya bingehîn
ewe ku cewherek bi merovanre hebe ji xwe meriv weka hunermend tê
dunyayê.ya min jî bavê min dengbêj bû.lê ji malê ez tenê bûm rêwiyê
hunerê ger hunermendî ev be.dêmekî ew cewherê hunerî biminre jî hebû
û bandora bavê min hişt
ku ez bêtir ber bi hunerê ve bilezînim.
Mamoste çend berhemên te heta roja îro hene ?.
Heta niha 10 album ù celikek min heye.
Mamoste gelo dema te dest bi hunerê kir tu astengî ji tere
derketin yan na û heger hebûn çibûn ew astengî?.
Dema min dest bi hunerê kir û heta niha jî
astengî n e
qediyane,beriya her tiştî bavê min feqîrbû min
nikaribû amurekê pê bidim kirîn,piştiî
birayê min tembûrek ji minre peydakir û ez hinekî hînî stran û
awazan bûm dewletê ez avêtim zindanê û her dem zextên dewletê li ser
hunermendên me hebûn.pistî wê xerîbiyê destpêkir.niha em li dervayî
welatin.qedexe tune û li vir û dewleta dagirker jî tune.lê partî û
saziyên me astengan derdixin.ev saleke albuma min amadeye lê ez
nikarim bidim çapkirin.wekî din Korsanî jî astengiyeke mezine,îro ji
bona hunermendên me.Mixabin
tiştekî hesan
tuneye.
Ez bi her awayî bi tunebuna male dinyê
razîme lê bi astengiya li pê şiya
hunera xwe ne razîme,ez ji fbelengaziyê ne acizim.lê dema
hunermendek nikaribe berhema xwe bigihîne gele xwe li ba min ji
mirinê jî zahmettire.
Mamoste, wek ez di zanim jiyana hunermend di keve xizmeta hunera
wî û gelê wî de,
pirsa min eve gelo wek te huner da te wisa stend jî ji vê hunerê
û ji gelê xwe bi tayîbet? hêvîdarim tu bersiva min vekirî bidê.
Bawerim min bersiva te li jor da.min jî
weke gelek dengbêj û stranbêjên me gelek berhem dane vî gelî û ji
gelê xwe gelekî hezdikim.ji ber tayîbetmendiyên me mixabin em
dikarin tenê manewiyatê
bi şûnde wergirin.Berhem
derxistin jî bi çepik û spasiyan dernakevin û çapnabin.weka min li
jorê jî got albuma min ev saleke li ba mine.heroj guhdardikim.Lê
mixabin gelê min nikare guhdarbike.
Mamoste, ez bawerim tu di çend filman de jî leystiye, gelo ew yek
xwesteka te bû yan wisa ji te hat xwestin ku tu di van filiman de
bilîze? heger xwesteka te bû çima ev yek nehat berdewam kirin ji ber
tîpê te tîpekî taybete û ez bawerim heger te berdewam bikira te karî
bû rolek pir mezin
di nav vî beşê
hunerê de jî bilîsta.
keko ji bona muzikê Kurda ez
keşifkirime ku
ez kirime hunermend.Huner li min kirin bela û
ez birçî hiştime.dîse
jî mala wan ava be.heta ji min hat min xwest misyona xwe di warê
siyasî,çandî û hunerî de pêk bînim û her ezê di vê rê de
berdewambikim.bi nan u pivazê jî be ezê stranên xwe çêkim û bêjim.
Lê ji bona sînema Holandiyan ez
kesifkirim.Lê ji bona sînma ya holandiyan yekî Kurd çiqas ehlê
sînema be jî biyaniye.ançax mijarek li ser xerîba be cih didine
min.Lê sinemavanên Kurda li min hayînebûne.
Gelek suretên me yên sînema hene gelek
kabiliyetên me yên sinema hene.lê sinema me tuneye.bazara wê tune.
Weke muzika me aktif nebuye.îro perê kê
hebe dikare bive muzîkvan û di televizyonanade derkeve.lê sînema
tene bi pera nabe.fizik u kabiliyet jî lazime.sinema karekî gelekî
giran u ilmekî kûre.Ez gelekî xemgînim ku we yekî biyanî rola
BARZANI yê nemir bileyze.Helbet omer serif actoreki mezine.Lê ew
ciqas mezin be jî nikare bi kurdî bi girî ,bi Kurdî bikene û bi
Kurdî hêrs bibe. Hinek sinemavanên me derketine ew karê n
baş dikin ,lê gerek
nekevin ber bayê popilizim u timaya malê dinya ye.
Birêz Gobadî u Huner nimuneyê n
başin.
Ev 2 sale li holanda li gel karê muzîkê ez
karê tiyatro jî dikim.em li Holanda li 70 bajarî derketin ser dika
şano.ez hem şano û hem jî muzîka zindî
peşkêş dikim.mixabin mijara me li ser
cinayetên namusê ne.emê meha 10 herin amerîka newyorkê.emê 3
hefteyan li wir jî derkevin
ser dika şano.lê haya Kurda jê tune.min
televizyonên me ji bona xebata me ya li holanda agehdarkirin lê
nehatin.wê çaxê dilê min li
ser şanogerên me bêhtir
êşiya.min got rewşa wan ji ya
muzîk jena jî girantire.em dîsa dema li
tembûrê dixin gel di cive.lê
şanoya me yekcar bêxwediye
mixabin.
Mamoste.ez di xwazim nerîna te li ser hunera gel ê
kurd bi giştî gelo li gor dîtina te ew
di çi qunaxê deye îro?.
Keko hunera me di qonaxeke teng deye
mixabin.Huner buye pere pere jî ne di temburê deye.di berika xalo
deye.xalê kê
hebe pişta wî naye erdê
û ew îro hunermendê herî populere.bijî muzîka kilîpan û bijî
televizyanên me ku nikarin wan berheman li bêjinga hunerê xin.
Ev jî zirarê dide zarokên me.jenerasiona nû
di fikirin ku huner wisa ye.yanî temburek,kamerayek u keçikek fermo
kilîp u hunera me.Kê dizane evdalê zeynikê ,Şakiro,Abdulhadi
kiye.Reso kiye çi digot?çawa
digotin?pêşbirkeke pir xerab heye îro.eve 7
salin min vidyo kilîp çênekirine.lê kilîpa Harunê min hîna jî di
rojevê deye.tiştekî
din ku ez bêjim tune.
Ma moste,dengê
te dengekî pir bi şewate gelo
bandora jiyana te ya taybet liser dengê te bo yan jî dengekî xwezay
ye?.
Keko tu jî hunermendekî ku ez jê
hezdikim.ma dengê zirnê ji defê û dengê defê ji tenekê tè?.her amûr
dengê xwe li gorî xwe derdixe.helbet bi qandî bandora fizîkî bandora
jiyana meriv jî reng dide dengê meriv.naveroka stranan jî bandorê li
ser deng dike.
Mamoste ,gelo çima gel li hunermendê xwe xwedî dernakeve wek gelê
dunya yên din?
gelo ji bê welatiye yan milet fêrî vê yekê ne buye?.
kekê min gel li me xwedî derdikeve û ji me
hezdike lê saziyên me tunene ku bersiva me bidin.yên hene jî
rola xwe baş naleyzin.pirsgirêk
divirdeye.
Mamoste,wek hûn zanin hunermendê Rojava saziyek xwe damezrandine
tu di derbarê vê saziyê de dibêjî çi? ji bo ku biser keve û ev
sazî li ser lingê xwe bisekine divê çi bike?
saziya we ser xerêbe.ger hûn bixwazin bi serkevin xwe tucarî weka
saziya aliyekî nebînin.deriyê xwe ji hemî hunermendanre vekin û bila
deriye we bilindbe ku hemî hunermend karibin têre derbasbin.Yanî ne
heremîbin netewîbin hunê bi serkevin insallah.
Mamoste,em di hevpeyvînekê de nikarin dîroka we ya dûr û dirêj
tevî nas bikin
ji ber dîrokek zengîne ji bo vê yekê em di dawî de gelekî spasiya
te dikim û serkeftinê ji kar ü xebata tere ya pîroz hêvîdikin.
Ez ji sipasiya we dikim û her serkeftin
para we be.ez bawerim emê bi hevdunre bi hêztirbin.
Gotina we ya dawî ji bo
hezkiriyê we û malpera Saziya Çand û Hunera Rojavayê kurdistanê
çine?.
Ez xwe weka endamekî hemî saziyên hunerê
yên Kurdistanî dibînim û her timî ji bona xizmetê ama de me.
Ji bona malpera we jî çi berhemên min hebin
di xizmeta malpera weda ne û ezê
we bi şopînim her
serkeftî bin di karê xwe de.
Zor spas û silav bo xwendevanan.
......
..S:C:H:K:S
02.08.2007 Holenda
|
